Фудбалерките на Борец по два пати на ден се на градскиот стадион и напорно се подготвуваат на претстојните натпревари од квалификациите за Лигата на шампионите. На 1-ви август екипата оди во Литванија, а на петти е првиот натпревар.

Во групата на Борец е англискиот тим Евертон ,кој е голем фаворит ,па велешанки шансата ја гледаат во дуелите со шампионите на Литванија и Фарските острови.

„За противниците сме запознати преку интернет. Имаме некои снимки кои ги гледаме заедно и освен со Евертон мислам дека имаме шанса да се носиме со дгугите две екипи. Посено ни одговара тоа шти и две второпласирани екипи го продолжуваат натпреварувањето", вели  Тоше Нацев тренер на екипата.

Костурот на екипата е истиот од лани, но сега засилен со игачи од Србија на голманската позиција и во средниот ред. Двете се репрезентативки на оваа земја, а настапувале во екипа од Нови Сад.

Играчите работат напорно во подготвителниот перод и се оптимистички расположени за настапите во лигата на шампионите.

„Работме напорно по два пати на ден, како на физички така и на тактичко технички план и затоа сме оптимисти пред натпреварите дека можеме да направиме добар резулатат", вели Ленче Андреевска

„Ги гледавме нашите противници на интернет и можеме да кажеме дека Евртон е многу силна екипа ,а останатите се на приближно наше ниво и чекуваме неизвесни натпревари", вели Наташа Андонова.

Во рамките на подготовките за настап во квалификациите на Лигата на шампионите екипата на Борец викандов ќе гстува во Ниш каде ќе одигра две контролни средби со Машинац.