Апелациониот суд вчера  ја потврди пресудата на Основниот суд Велес според која Јован Вранишковски треба да помине 2,5 години затвор и да ги надомести трошоците.

Одлуката на судот е правосилна, а за да стане извршна треба да мине одреден период, објаснува за Макфакс, претседателот на Апелацискиот суд, Јордан Митриновски.   

„Странката може да бара одлагање на пресудата доколку поднесе молба", вели Митриновски.

Апелациониот суд ја потврди првостепената одлука на Велешкиот суд, кој во октомври минатата година го осуди Вранишковски за злоупотреба на 250 илјади евра црковни пари од неколку епархии на МПЦ.

Расчинетиот владика, претходно двапати добиваше ослободителна пресуда, но апелација ја укинуваше и ја враќаше на повторно судење.

Вранишковски не беше во земјава речиси две години, а се врати годинава во јануари на денот на обележувањето на српскиот празник Света Сава.