Шведските нуркачи во остатоци од брод во Балтичкото море пронашле шише шампањ за кој се верува дека е најстарото пенливо вино во светот.

Кристијан Екстром, инструктор по нуркање, рече дека шампањот за кој се тврди дека е од 1780-та, е со „фантастичен вкус.

Тој додаде дека е 98% сигурен за староста на шампањот, како и тврдењето на експерти, а се претпоставува дека на истото место има уште околу 30 шишиња од иста врста.

Шведскиот експерт за вино Карл-Јан Гранквист, рече дека секое шише би можело да достигне вредност и до 50 илјади евра, доколку тапите се недопрени и доколку се докаже нивната старост, пренесува мондо.

Шишињата шампањ беа пронајдени во вторникот во близина на островот Оланд, меѓу Финска и Шведска, а останатото количество треба да се извади до крајот на месецот, со цел да се одреди староста и квалитетот.

Copyright 2010 makfax Сите права се задржани. Текстов не смее да се печати или емитува, во целина или во делови без договор со makfax.