Маслото за јадење со нова цена. Производителите на масло одлучија да ја покачат цената за два денари по литар.

Причините за покачување на цената се намалувањето на залихите на суровини од ланската реколта и покачувањето на цената на суровото масло на светскиот пазар.

Доколку цената на суровото масло продолжи да се покачува, малопродажната цена ќе продолжи да расте.

Во фабриката за масло Благој Ѓорев велат дека секоја година во овој период, цената на маслото за јадење се покачува за два па и повеќе денари, бидејќи суровото масло го купуваат од странство. До жетвата на сончогледот од новата реколта ќе се знае дали цената на маслото во иднина ќе се зголемува или пак ќе остане по старата или ќе се намали.

Во продавниците во Велес, маслото за јадење се продава по различна цена. Маслото Кристал кое досега се продаваше по 57 денари сега се продава по 59 за литар.

Штипски Брилијант од 54 денари сега се продава по 58 денари. Слична цена за сега имаат и увозните масла за јадење.