Здружението на приватни лекари на Македонија најостро го осуди физичкиот напад врз лекарот од Штип, кој минатиот месец брутално бил претепан од семејството на двесет и седумгодишната пациентка и се здобил со тешки телесни повреди.

Здружението смета дека со медиумкото преставување на случајот, се изнесуваат само претпоставки без при тоа да се има став, мислење или доказ дека лекарот постапувал несовесно и нестручно во извршување на својата работа.

„Здружението ги поикува сите граѓани и медиуми за вакви настани најпрво да ги сочекаат ставовите,мислењатаи доказите од надлежните државни органи кои ќе утврдат дали е сторена повреда од страна на лекарот и предвреме да не се врши морална и јавна осуда на лекарот", рече Гроздан Сутинов, полномошник на Здружението.

Од здружението сметаат дека обвинувањата и физичките напади на лекарите стана честа појава во земјава. Членовите од потесното семејство на пациентите во афектна состојба честопати ги напаѓаат и физички се пресметуваат со лекарите, наместо своите права  на здравствена заштита да ги остварат во институциите, велат од здружението.

„Здружението ги  повикува институциите аргументирано да го разрешат овој случај и сите други и да поведат соодветни постапки споре законот кон лицето кое физички го нападна лекарот и член на неговото семејство, како превентивно би се влијаело на веќе охрабрените граѓани да престанат физички да се пресметуваат со лекарите", рече Сутинов.

Од почетокот на годинава во Здружението биле евидентирани пет слични инциденти, но велат дека бројот на нападнати лекари е далеку поголем. Ако институциите не превземат мерки за заштита на лекарите од вакви напади, тие преку штрајк ќе бараат да ги заштитат.