Српската фолк ѕвезда Цеца Ражнатовиќ ќе биде главна ѕвезда на традиционалниот прилепски "Пиво фест", кој започнува на 15 јули во центарот на Прилеп.

Цеца ќе настапи на завршната вечер, во недела, на 18 јули. Поради Цеца и богатата програма, организаторите очекуваат најголема посетеност до сега, рекордни 300 илјади посетители.

Локалната самоуправа, која во соработка со центарот за подршка на НВО, е организатор на осмиот по ред фестивал, не открива за колку пари ќе пее фолк ѕвездата, но според градоначалникот Марјан Ристески, таа ја спуштила цената за настапот ,кој неофицијално е 60.000 евра, јавува Вест.

Засега не е познато дали фолк ѕвздата има посебни барања. Деталите ќе се знаат од понеделник кога се очекува да пристигне нејзиниот менаџер.

"Пиво фест" во четврток ќе го отворат "Суперхикс", Елена Ристеска, Ламбе Алабакоски, Влатко Лозаноски, српската фолк пејачка Даниела Враниќ, и Жаре Бербер. Во петок, на 16 јули, на главната сцена настапуваат "Кросроуд Блуз Бенд","Ареа", Слаткаристика, Сузана Спасовска. Сабота е вечер за Есма Реџепова, Влатко Илиевски, орекестарот "Гуча", "Деља багер бенд" и "Трета димензија".

Во недела, пред Цеца настап ќе имаат КУД "Мирче Ацев" и групата "Чивијаши" од Шабац. Паралелно го главната, ќе има и мала сцена на која четирите дена по полноќ ќе настапуваат и диџеи и групи.

Inpress.mk