Параглајдеристите од клубот Аквила го освојуваат воздушниот простор над Општина Чашка. Кој повисоко ќе летне и ќе ги совлада воздушните струења, тој ќе учествува во македонската репрезентација.

20 тина параглајдеристи од пет клуба веќе си ги одмеруваат силите во воздух, во дисциплината крос-кантри или прелети. Натпреварот се одржува на терените на планината Јакупица. 

„ Местото на одржување на натпреварот е месноста Лилјачица, односно селото Крива Круша. А, целта на слетување е во Чашка, за да биде поатрактивен натпреварот. Времето деновиве не ни е многу наклонето, но сепак се надеваме на успех на овој натпревар," рече, Јован Северов -параглајдерист. 

Со поддршката што Општина Чашка им ја дава на спротистите од параглајдинг клубовите, ќе го развива алтернативниот туризам. Областа околу Чашка е погодна за секаков вид на спорт, а со самото присуство на натпреваувачите ќе се доловат и пренесат убавините на општината и околината во местата од каде што доаѓаат.

„ Општината Чашка, ги поддржува спортистите. Таа е спремна и има услови да ги пречека сите гости од земјава, а во иднина кога натпреварот ќе прерасне во интернационален и гостите надвор од државата. Со своите природни богатсва и убавини, општината има услови да организира натпревари со сличен карактер и од другите спортови," рече, градоначалникот на Општина Чашка ,  Горан Пановски. 

Соработката помеѓу Општина Чашка и параглајдинг клубот Аквила од Велес ќе продолжи и во иднина, со една заедничка цел натпреварот да прерасне во интернационален.