За пристапување на Хрватска во Европската унија на референдумот од неделата гласаа 66,24 отсто од оние кои излегоа на избирачките места, изјави претседателот на Државната изборна комисија, Бранко Хрватин.

Компанијата Google објави нова фаза на реорганизацијата на своите производи во чии рамки ќе бидат затворени сервисот за графичко онлајн уредување Picnik и „облачестиот“ поштенски сервис за корпоративните клиенти Google Message Continuity, соопшти во саботата блогот на компанијата.

Руското министерство за енергија очекува дека производството на нафта во земјата во 2012 година да се зголеми за 1 отсто, на околу 516 милиони тони, изјави заменик-министерот за енергетика Сергеј Кудрашов.

Повеќе стотици албански демонстранти околу 13 часот кај Подујево ја блокираа едната коловозна лента на патот којшто од преминот Мердаре оди кон внатрешната страна на Косово.

Поранешниот висок меѓународен претсавник во Босна и Херцеговина, Педи Ешдаун, изјави дека земјата оди кон распад поради потезите на Република Српска, дека бошњачките партии повеќе работат на јакнење на Федерацијата, а дека кај Хрватите јакне идејата за трет ентитет.

„Балканската рута останува главен коридор за криумчарење на нaркотици од Авганистан до Европските земји“ вели претставникот на Меѓународниот совет на ОН за контрола на наркотиците, Хамид Гоџа.

Во млекото од неколку фарми во Словенија утврдени се траги на канцерогени афлатоксини, поради што млекото морало да биде уништено, а ветеринарната управа испитува дали дел од млекото дошло до малопродажната мрежа, пишуваат во петокот словенечките медиуми.

Прв смртен случај од вирусот H1N1 забележен е во текот на оваа зима во Грција, а жртвата е едно седумгодишно либиско девојче, објави во петокот грчкото министерство за здравство.

Работници, пензионери, членови на невладини организации, војници и пратеници ќе учествуваат на утрешниот протест во главниот град на Црна Гора, Подгорица, заради неодамнешното поскапување на струјата.

Демократската партија на словенечките пензионери(ДЕСУС) денеска ги започна разговорите за влез во можната коалициона влада која би ја водел Јанез Јанша.